მორდორის თვალი ანუ კომპლექსი Муром

რას წარმოადგენს რუსული სამხედრო ძალების მიერ უკრაინაში მიმდინარე ომში ძალიან აქტიურად გამოყენებადი საჯარისო ტაქტიკური დონის ავტონომიური ოპტიკურ-ელექტრონული თვალთვალის კომპლექსი Муром, რომელსაც ხშირად ანადგურებენ უკრაინული კამიკაძე დრონები.

ავტონომიური ოპტიკურ-ელექტრონული თვალთვალის კომპლექსი Муром შემუშავებულია უსაფრთხოების და დაცვის სისტემების მწარმოებელი რუსული კომპანია СТИЛСОФТ-ის მიერ.

სისტემის პირდაპირი დანიშნულებაა დასაცავი ობიექტის გარე პერიმეტრის კონტროლი, ჯარების თავმოყრის რაიონის მიმდებარე სივრცის კონტროლი, ბრძოლის ველის თვალთვალი, სხვადასხვა ტიპის რელიეფზე ცოცხალი ძალის და სხვადასხვა მოძრავი ტექნიკის აღმოჩენა 10 კმ-მდე მანძილზე.

რუსეთის შეიარაღებული ძალების მიერ გამოიყენება Муром 1 СВ მოდიფიკაციაში, ФСБ-ს ფედერალური სამსახურის სასაზღვრო ჯარების მიერ კი გამოიყენება მოდიფიკაცია Муром-П.

კომპლექსი შესაძლებელია ერთდროულად დაკომპლექტებული იყოს როგორც ოპტიკური დაზვერვის ასევე სახმელეთო დაზვევის მცირეგაბარიტული რადიოლოკატორითაც.

სისტემა Муром ავტონომიურ რეჟიმში ენერგიას მზის პანელიდან იღებს, რომელიც ენერგომომარაგების აკუმულატორს ტენის.

კომპლექტაციაში შედის:

ანძა – СТС-10903 (სიმაღლე 5,2 მეტრი)

სამანქანო დაბალი ანძა – СТС-10901

360° იანი მაბრუნი მოწყობილობა – СВК-881

შორის დაკვირვების ვიდეოკამერა – СВК-8083

სითბური კამერა – СВК-8815М

12V/24V კვების ბლოკი – БПМ24

კავშირის კონტროლერი – СТС-507

დამტენი მოწყობილობა – ЗУ-943М

რეტრანსლატორი – СТС-931Р

გადამცემი ბლოკი – БРМД-К

ძირითადი ტტმ:

კომპლექსის სრული მასა – 680 კგ

მომსახურე პერსონალი – 3 კაცი

აღმოჩენის მანძილი ვიდეოკამერით :

-ადამიანი – 10000 მეტრი

-ავტომანქანა – 10000 მეტრი

აღმოჩენის მანძილი სითბოვიზორით:

-ადამიანი – 2700 მეტრი

-ავტომანქანა – 6900 მეტრი

ვიდეოკამერის ხედვის სექტორი:

-ჰორიზონტალური – 360°

-ვერტიკალური – ±45°

ვიდეოგამოსახულების გაფართოება:

-ვიდეოკამერა – 2592х1944 პიქსელი

-სითბოვიზორი – 384х288 პიქსელი

რადიოსარელეო გადაცემის მანძილი – 8 კმ

მონაცემთა გადაცემის სიჩქარე – 40 მბ/წმ

რადიოგადაცემის სიხშირეები:

-ბლოკი БРМД-К – 433 მეგაჰერცი

-კავშირის კონტროლერი СТС-507 – 5 გიგაჰერცი

მზის პანელის სიმძლავრე – 400 ვატი

საექსპლუატაციო ტემპერატურული დიაპაზონი: -40° +50°